COMEX
Գին
Տոկոս
| Ոսկի | 1251.50 |
|
0.42 |
| Արծաթ | 19.64 |
|
0.14 |
| Պլատին | 1551.50 |
|
1.03 |
LME
| Ալյումին | 2126.00 |
|
2 |
| Պղինձ | 7649.50 |
|
1.26 |
| Կապար | 2161.00 |
|
2.13 |
| Նիկել | 21493.0 |
|
1.76 |
| Անագ | 21569.0 |
|
0.56 |
| Ցինկ | 2177.00 |
|
2.350 |
ԸՆԴՀԱՆՈՒՐ ՏԵՂԵԿՈՒԹՅՈՒՆՆԵՐ
Մեթըլ Փրինս Էլ Թի Դի. կորպորացիան գրանցված է Բրիտանական Նեվիս
կղզում և Հայաստանում իր գործունեությունն սկսել է 2000 թ-ից`
հանքարդյունաբերության ոլորտում երեք դուստր ձեռնարկությունների`
"Ախթալայի լեռնահարստացման կոմբինատ" ՓԲԸ-ի, "Սագամար" ՓԲԸ-ի եւ
"Մոլիբդենի աշխարհ" ՍՊԸ-ի միջոցով:"Ախթալայի լեռնահարստացման կոմբինատ" ՓԲԸ-ն, որը 246-ամյա պատմություն ունի, 1980-90-ական թթ-ին դժվարին ճանապարհ է անցել. 1988 թ-ից ձեռնարկության գործունեությունը շուրջ 13 տարով դադարեցվել է, ինչն իր բացասական ազդեցությունն է թողել Ախթալա, Շամլուղ քաղաքների եւ շրջակա գյուղերի բնականոն զարգացման վրա: Ավելին, նշված բնակավայրերի բնակչությանն աշխատատեղերով ապահովող այս ձեռնարկության փակումն աղետալի հետեւանքներ է ունեցել ամբողջ տարածաշրջանի համար: Եվ միայն Մեթըլ Փրինս կորպորացիայի շնորհիվ հնարավոր է դարձել վերականգնել արտադրական հսկայի գործունեությունը, նոր թափ հաղորդել աշխատանքներին եւ ստեղծված աշխատատեղերի շնորհիվ այս տարածաշրջանում կանխել արտագաղթը: Այստեղ հարկ է մեջբերել ՀՀ երկրորդ նախագահ Ռոբերտ Քոչարյանի խոսքը, որը հնչեց ընկերության վերաբացման ժամանակ. "Վերջիվերջո այս ձորի ժողովուրդը պետք չէ ապրի միայն մոշ հավաքելով":
Ախթալայի լեռնահարստացուցիչ կոմբինատի գործունեությունը վերսկսելու նպատակով իրականացվել են ուսումնասիրություններ, որոնց համար հրավիրվել են օտարերկրյա փորձագետներ: Նրանք նշել են, որ սկզբնապես ռիսկը բարձր է, բայց հեռանկարային: Սակայն Մեթըլ Փրինս Էլ Թի Դի. կորպորացիայի խորհրդի նախագահ Սերոբ Տեր-Պողոսյանը լավատեսորեն էր տրամադրված եւ որոշում է ձեռնամուխ լինել այս դժվարին աշխատանքի իրականացմանը: Այսպիսով, Սերոբ Տեր-Պողոսյանի ջանքերով 2000 թ-ի մարտի 1-ին Մեթըլ Փրինս Էլ Թի Դի. կորպորացիայի եւ "Ախթալայի ԼՀԿ" ՓԲԸ միջեւ համատեղ գործունեության պայմանագիր է կնքվում եվ հենց նույն տարում էլ այստեղ կատարվում է առաջին 1 մլն ԱՄՆ դոլար ներդրումը: Շուրջ 7 ամիս իրականացված վերականգնողական, շինարարական եւ նորագույն սարքավորումներով համալրման աշխատանքներից հետո 2001 թ-ին ձեռնարկության գործունեությունը վերսկսվում է: Իսկ 2002 թ-ի հոկտեմբերին ՀՀ երկու օրենսդրական փոփոխություններից հետո "Ախթալայի ԼՀԿ" ՓԲԸ-ն սեփականաշնորհվում է: Արդյունքում արդարանում են Սերոբ Տեր-Պողոսյանի սպասումները, որի վառ ապացույցն է հանդիսանում ներկայումս ողջ հզորությամբ գործարկվող եւ օրեցօր զարգացող Ախթալայի լեռնահարստացուցիչ կոմբինատը, որն այսօր արդեն ապահովում է շուրջ 500 աշխատատեղ:
Կառուցվածք
Մեթըլ Փրինս Էլ Թի Դի. կորպորացիան հանրապետության հանքարդյունաբերական երեք ընկերությունների 100 տոկոս բաժնետերն է.
- "Ախթալայի լեռնահարստացման կոմբինատ" ՓԲԸ
- "Սագամար" ՓԲԸ
- "Մոլիբդենի աշխարհ" ՍՊԸ